شفتكـ على اكـتاف الرجاجيل

[سحابة نجد]

شفتك على اكتاف الرجاجيل نايم ..
و شفتك مغطى بالكفن قلت بردان ..

يبه و حزني داخل القلب حايم ..
قلت أشعل دموعي و أخليك دفيان ..

صوتي يبه من بين الأحزان عايم ..
لو أصرخه تهتز من حولي جدران ..

اخاف تقعد يا يبه و انت صايم ..
و انت قلت قعدني على صوت الاذان ..

تعبان ؟ تعبان أدري و التعب فيك دايم ..
تفرش ضلوعك حب و تكون تعبان ..

للحين جسمك فوق الاكتاف نايم ؟
و انت الذي قامت على كتفك أوطان ..

انت العزيمة لا حكوا بالعزايم ..
ياما شعلت النور في ليل الأحزان ..

حتى الرمل في دفنتك صار هايم ..
من كثر ما وجهك يشع نور و ايمان ..

تنزل فقبرك و الدعا فوق قايم ..
كل الأوادم صاروا قلوب و لسان ..

يا الله ترحم منهو طفى الظلايم ..
اللي شعل عمره وسط عمرالانسان ..

[خالداللهيبي]

قصيده رائعه ومؤثره جداااا شكرا لك وبارك الله فيك

[عناقيد الغلآ]

قصيدهـ تزلزل القلب
رحمك الله يابوي
يعطيك ربي العافيه ياسحابه
دمتِ بحمى المولى

[سحابة نجد]

يسلمووو اخوي خالد وشاكره تواجدك اختـــ سحوووبهـ ـــكم

[سحابة نجد]

لبئ روحك اختي عناقيد الله يرحم موتانا وموتئ المسلمين وشاكره تواجدك حياتي لاخلا ولاعدم من طلاتك اختــ سحوووبهـ ـــكم

[هادي الخضراني]

قصيده مؤثرهـ

ومعبرهـ

تحمل بين طياتهـأ الحزن والالمـ

ربي يعطيك العافيه على هذا المنقول

بنتظار جديدك